Galemathias

Odda

2007-07-12T19:11:00.000+02:00

På veg til sjukehuset og sjukeheimen.

Terje legg skylda på Ap... kva elles?

«Ska eg stå her å preika?»

Terje utanfor s-laget, der han skulle forklare vandalismen i Odda gjennom minneplaketten etter gamle folkets hus (1914-1971) og slå fast behovet for eit nytt.

ARRGH

2007-05-12T12:52:00.000+02:00

Bergens Tidende har i dag seks sider om korleis den norske plattforma Moss Sirius speler ei avgjerande rolle i det amerikanske rakettforsvaret. Saka er veldig, veldig bra og godt dokumentert.

I april 2006 skreiv eg eit notat om den same saka, og forsøkte å selja det inn til mellom andre Dagens Næringsliv og Erling Borgen. Dei var ikkje interessert. Eg burde ha prøvd Bergen Tidende, tydelegvis. Under fylgjer notatet til glede for nye lesarar:

a. Moss Sirius ble bygget på Vyborg-verftet i Russland. Oppdragsgivere
var formelt selskapet "Reiten & Co Direkte Investering II". Bak dette
selskapet sto bl.a.: Reiten & Co., og ingeniørselskapet Moss Maritime.
Reitan-gruppen, Vital, Kjell Chr. Ulrichsen, Øyvind Lorentzen Shipping
og Vesta Liv (DN: Investorene ble forespeliet 200 mill. 15.07.2002).

Hvordan dette ble ordnet formelt og juridisk vet jeg rett og slett
ikke, mine kunnskaper om shipping og finans er rett og slett så små.

b. Moss Sirius ble bygget etter en modell som selskapet "Moss
Maritime" har laget. Denne modellen/konstruksjonen kalles CS-50.

c. Riggen ble formelt eid av selskapet "Moss Arctic Productions Inc"
som var registrert på Bahamas. (ibid)

d. Riggen lå fra våren 2002 til 2003 i opplag i Sandefjord. Det var
flere oppslag i DN om at investorene var gretne fordi Moss Maritime
ville bygge en ny rigg av samme modell, samtidig som det var problemer
med å få solgt den første. (ibid)

e. Høsten 2002 (jeg har ikke eksakt dato for dette) ble riggen solgt
til det amerikanske forsvaret.
(http://www.worldoil.com/magazine/MAGAZINE_DETAIL.asp?ART_ID=2022).
Kjøpesummen var 63 mill USD, altså en pen fortjeneste på det riggen
opprinnelig kostet (39,5 mill USD - DN 15.07.2005).

f. I juni 2003 ankommer riggen til AMFELS-verftet i Texas. Siden
riggen skal brukes av det amerikanske forsvaret, må oppdraget uføres
på amerikansk jord. Oppdraget var å klargjøre plattformen for
radarfunksjonen, det vil så å bygge den om til å kunne huse 75 mann
med støttefunksjoner osv. Dette oppdraget (uten de rent radar-tekniske
installasjonene som selvsagt er mye dyrere) kostet mellom 80 og 100
mill USD. (http://www.globalsecurity.org/space/systems/sbx.htm)

g. Riggen blir på dette verftet rustet opp (se f.). I tillegg blir
radaren installert.

h. Radaren har betegnelsen SBX, og er en X-bånd-radar (frekvensbånd
8-10 GHz). Karakteristika når det gjelder mål og sporingsmuligheter
likner en del på det som sies om den såkalte Vardø-radaren. Her har
radaren imidlertid eksplisitt et varslings- og kontrollformål; det
sies åpent at radaren skal overvåke Nord-Korea.

i. Mer interessant er det at radaren er så kontroversiell når det
gjelder ABM-avtalen (nedrustning osv). Et dokument fra "Arms Control
Association" sier at: "A sea-based radar would have violated the 1972
Anti-Ballistic Missile (ABM) Treaty, which is now no longer in force
following the June 13 U.S. withdrawal. (...) The ABM Treaty ruled out,
among other things, development, testing, and deployment of sea-based
components for defenses against strategic ballistic missiles."
(http://www.armscontrol.org/act/2002_09/sea_sept02.asp).

j. Til sist: Bildene, som kanskje er det som gjør saken litt større:
http://cryptome.sabotage.org/sbx1-birdseye.htm

Det er noen "løse tråder" som jeg ikke har kompetanse til å vurdere.
Det gjelder bl.a. eierforholdene i det norske selskapet. En annen ting
er det som går fram av en kommentar til en nyhetsartikkel på
ArmsControlWonk.com:

"It isn't at all clear where the money for Boeing's purchase of Moss
Sirius in late 2002 came from, and indeed there was Congressional
language a few weeks before the purchase prohibiting SBX money from
being used for a platform. No appropriation of monies for Moss Sirius
has been located to date, so was there a violation of the
Anti-Deficiency Act?

And, since the platform is of Russian provenance, might the Iran
Non-Proliferation Act have been bent a bit despite the Norwegian
middleman?

Finaly, since there are some hints that the radar, now called SBX-1,
may be followed by SBX-2, will another Russian platform be procured
for it?"

(http://www.armscontrolwonk.com/640/everythins-bigger-in-texas-sea-based-x-band-radar)

Ufordring

2007-04-28T16:45:00.000+02:00

På ein sommarleir for eit parti som no er lagt ned, vann eg eit gåvekort på Tronsmo.

Eg er heldigvis ikkje så mykje i Oslo, men eg vil jo gjerne bruke dette gåvekortet. Difor:

Den som kan få brukt opp gåvekortet og tatt bøkene med til Bergen, skal få bestemme kva slags bøker dei 500,- skal brukast på.

Skriv tilbod i kommentarfeltet.

Nokon sa nei til Skavlan

2007-04-01T13:57:00.000+02:00

News of the week har vore nyhenda om at fredagskveld med Skavlan er forbi. Når eg høyrte dette kom eg plutseleg på at nokre av oss har ei ærefull historie å fortelja.

I januar 2005 var nokre av oss involvert i meir eller mindre halv-lovlege aktivitetar. Forhistoria til dette er lang og ikkje så interessant, men grunna stor mediemerksemd vart me invitert til Skavland for å møta Clemet. Skavlan skreiv epost til oss:

«Jeg forstår på Siri i Dagsnytt at dere er skeptiske til å delta anonymt i kveldens "Først & sist" her i NRK1, men jeg gir meg jo ikke helt uten videre heller. For jeg mener helt alvorlig at det er i deres interesse å begrunne overfor seerne og statsråden hvorfor dere legger ut prøvene og sånn sett setter en ordentlig kjepp i hjulet for de nasjonale prøvene. Slik jeg hører dere på radio har dere gode og helt forståelige argumenter, og det vil være interessant å se hvordan Clemet møter dette. Men dette er selvfølgelig opptil dere å vurdere. Alt jeg kan understreke er at det er ingen fare for at dere på noen måte vil risikere eksponering utover den dere allerede har tatt sjansen på. Vi tar dere inn på telefon i studio cirka klokken 18, og ingen vil kunne avsløre noe om hvor eller hvem dere er. Om dere ønsker at vi fordreier stemmen er det selvsagt mulig. Så om dere kunne tenke dere å gi Clemet en siste mulighet til å snu før dere legger ut den siste delen av prøven på nettet, så er dere altså hjertelig velkommen til å bli med likevel helt frem til vi går i studio klokken 17.30. Mail eller ring meg på 23049665 eller Leif-Åge Reme på 91831519 for mer informasjon.

Beste hilsen,

Fredrik Skavlan»

«Siri i Dagsnytt» var journalisten som intervjua oss. Skavlan var på denne tida på toppen av verda, og var nok ikkje van med å verta avvist, utanom av kanskje statsministeren eller Kongen. Så eg trur nok han vart sur når me sende dette svaret:

«Hei Fredrik! Vi kommer ikke til å stille opp i programmet ditt for å diskutere selvfølgeligheter sammen med eliten i Norge. Vi synes programmet ditt er gørr kjedelig og et program målgruppen vår, ungdom, ikke ser på. Vi har andre ting å gjøre på fredagskvelden. Om du vil ha svar på spørsmål eller lignende, kan vi svare på disse nå. Lykke til!»

Så sende han eit svar der han surmaga spurte nokre spørsmål.

Me brukte sjølvsagt dette at me vart invitert til Skavlan for alt det var verdt, mellom anna gjennom å stilla opp på nettprat på VG Nett i staden for.

«- Vi ble spurt om å stille opp hos Skavlan, men sa nei. Vi var enige om at det ikke var hensiktsmessig, vi vil dessuten ikke avsløre hvem vi er, og vi syns også at "Først & Sist" er et utrolig teit program, sier "Ola", en av elevaksjonistene som ønsker å være anonym, til VG Nett.

- Først & Sist er et program for førtiåringer, der har vi ikke noe å bidra med, fortsetter "Ola".»

Ja, det var ei artig tid.

Neste bloggpost: Kven var «Ola»?

Var Arve Solstad agent for USA-imperialismen?

2007-02-10T15:54:00.000+01:00

Åtvaring: Venstresidenørding

Den amerikanske offentleglova, Freedom of Information Act, er på mange område ulik den norske offentleglova. Eit resultat av dette er at det er enklare å finna opplysningar om Noreg i amerikanske arkiv enn her heime. Amerikanske styresmakter er også, grunna sterke lobbygrupper (som er mykje meir hardcore enn Norsk Presseforbund), flinkare til å publisera dokument på internett.

Det amerikanske riksarkivet, National Archives and Records Administration, har publisert alle nedgraderte telegram frå amerikanske utanriksstasjonar i åra 1973 og 1974. Også frå stasjonen i Oslo.

Her er det mykje interessant å lesa. Til dømes om Arve Solstad (telegrammet handlar om ein stor demonstrasjon utanfor den amerikanske ambassaden):

4. BEGIN LIMITED OFFICIAL USE. ALTHOUGH PHOTOGRAPHERS WERE ON HAND, NONE OF SATURDAY PAPERS MENTIONED DEMONSTRATION. DAGBLADET, THE LEFT-LIBERAL SENSATIONALIST OSLO DAILY, HAD PUBLISHED PAID ADVERTISEMENTS ANNOUNCING THE DEMONSTRATION AND MIGHT HAVE BEEN EXPECTED TO CARRY FOLLOW-UP NEWS COVERAGE. CHIEF EDITOR ARVE SOLSTAD TOLD EMBASSY PRESS ATTACHE EVENING OF JUNE 7, HOWEVER, THAT HE HAD ORDERED THAT THERE BE NO COVERAGE, AND IN FACT TODAY'S DAGBLADET JOINS WITH REST OF OSLO DAILIES IN IGNORING THE EVENT. SIGNIFICANT ALSO IS FACT THAT LABOR PARTY DAILY ARBEIDERBLADET, WHICH HISTORICALLY CAN BE COUNTED ON TO PROVIDE AT LEST SOME COVERAGE TO DEMONSTRATIONS OF THIS NATURE, HAS CARRIED NEITHER ADS NOR REPORTING.

Elles kan ein merka seg fylgjande:

1. APPROXIMATELY 1000 YOUTHFUL DEMONSTRATORS, SOME PUSHING BABY CARRIAGES, FILED PAST EMBASSY YESTERDAY AT 1830 HRS IN UNEVENTFUL AND DECIDEDLY UNENTHUSIASTIC DEMONSTRATION.
2. PROTESTORS CARRIED SCATTERED PLACARDS CALLING FOR BOMBING HALT AND US WITHDRAWAL FROM INDOCHINA. POLICE PURSUADED DEMONSTRATORS TO DROP IDEA OF PRESENTING PETITION TO EMBASSY OFFICER DURING PROTEST MARCH. AS IN PAST, EMBASSY KEPT FULLY ADVISED OF DEVELOPMENTS BY LOCAL NORWEGIAN AUTHORITIES AND POLICE IN DISCREET, BUT FULL CONTROL OF DEMONSTRATION.

Marsj, marsj

2007-01-29T20:27:00.000+01:00

Dei fleste har vel på eit eller anna tidspunkt oppdaga at det dei lasta ned frå nettet kanskje ikkje akkurat var det dei hadde venta.

Vel, eg liker marsjmusikk, og då spesielt militærmarsjar. Det er ei av årsakene til at eg høyrer på programmet «Takt og tone», som P2s korpsmagasin vert kalla. Eigentleg er det berre marsjmusikk der (av og til er det opptak frå konsertar frå 1980-åra, ein gong var det den tsjekkiske armes musikkorps sin konsert på Dokka i 1981). Eg kritiserte før dette programmet for å ikkje ha nok samtidsmusikk, men no liker eg programmet meir og meir.

Uansett. Då eg kom over «Deutsche Militär Märsche» på nettet, måtte eg berre laste ned.

Då fila var lasta ned, vart eg møtt av dette:

Av innhaldet kan nemnast:

– Fanfare 1. Panzerdivision
– Triumpfmarsch der Wehrmacht in Paris 1941
– Alte Kameraden
– Fliegermarsch

Altså relativt penible saker. Det ille er at eg faktisk har spelt ein del av desse...

Svar

2006-12-21T20:38:00.000+01:00

(Frå kommentar om posten «God jul»):

Du *vet ikke* om du er enig med denne fyren eller ikke? Neivel? Det finnes - som vanlig - et pk og et ekstremt reaksjonert samt *utilgivelig* svar på dette spørsmålet (som du skjønner er du allerede på tynn, tynn is ved manglende febrilsk oppsluttning om Den Sanne Vei her). Du får ikke flere ledetråder fra meg: Ja eller nei? Enig eller uenig med arbeiararistokratiet?

(og, som bonus: Hva ville vår mann Marx ment om dette? Jeg vet at jeg med bonusspørsmålet begår den kjetterske handling å indikere at Marx ikke nødvendigvis alltid har fullstendig rett, men hva tror du?)

Sjølvsagt tek denne mannen feil. Poenget var ikkje at eg var samd i han når det gjeld analysen, men at det var litt kuriøst å sitere Øk.-fil. manuskript på ei klubbside.

Nok om det.

Han burde sjølvsagt ha forstått at feminisme handlar om makt. Soleis er snakk om «kulturnivå» og liknande ikkje spesielt vesentleg. Dessutan er det vel litt frekt å slå fast at feminisme alltid har vore ein del av arbeidarrørslas ideologi.

Ogso tek han feil i kritikken av «moderne feminisme».

Og siste avsnitt er litt rart.

Men eg er samd med han i det han seier i nest siste avsnitt, sjølv om ei dose moderne kulturteori hadde gjort seg på mannen.

So. God jul. Dette får vera julegåva til Helga

God jul

2006-12-18T21:39:00.000+01:00

Denne heimesida er heilt konge. Ein klubbleiar som siterer økonomisk-filosofiske manuskript i spalta si!:

Feminismen og kapitalismen

”Det er ingen feminisme uten sosialisme” (Marilyn French, 1990). Kvinnens frigjøring fra rollen som bytte og tjener har alltid vært en viktig del av arbeiderbevegelsens ideologi.

Karl Marx understreker i ”Økonomisk-Filosofiske Manuskripter” at ut fra forholdet kvinne-mann kan vi ”bedømme hele menneskets kulturnivå”.

Forholdet menneske til menneske avspeiles altså i forholdet kvinne-mann.

Jeg vet ikke hvor mye av dette som ligger til grunn for dagens norske feminisme, men ”utvendig” sett kan det se ut som feminismen er mest opptatt av næringslivets kommandoposter. Ja visst - dette er viktig – under spesielle forutsetninger. Men hva skal disse ”kommandopostene” brukes til?

Er kvinnene bevisste – vil de bidra til at veien til en sosialistisk samfunnsorden blir lettet med kvinner i sjefstolene?

Eller vil de bare være med å forvalte kapitalismen og bidra til dens reproduksjon?

Kapitalismen er et system som er den store produsenten av ulikhet, av perverteringen av forholdet mellom mennesker. Hvor penger, ikke omsorg og kjærlighet er de dominerende verdier. (”Æ vil tjen pæeng”, som finansmannen Idar Vollvik uttrykker det i Finansavisen).

Vi trenger en feminisme som er kritisk til kapitalismens politiske økonomi og – dette er særdeles viktig – som kan delta i formingen av sosialismens politiske økonomi.

Jeg undres om feministene ser dette ?

http://www.verkstedklubbenaker.no/

PS: Eg veit ikkje om eg er samd med mannen då, men det er ganske hardcore likevel. Sida er elles veldig kul.

Idiotar i DN

2006-12-15T22:21:00.000+01:00

Her om dagen laga vi i Bergen Målungdom utspel på det nyfusjonerte busselskapet Tide.

Målungdommen vil starta aksjeraid mot Tide

Bergen Målungdom har saman med Hordaland Mållag fleire gonger teke opp den manglande nynorskbruken i det nyfusjonerte samferdselsselskapet Tide med leiinga i selskapet. No har målungdommen fått nok: — Tide ser ikkje ut til å ta signala om manglande nynorskbruk alvorleg. Om dei ikkje no klårt seier at dei vil nytta nynorsk slik gamle HSD gjorde, vil Bergen Målungdom kjøpa seg opp i selskapet for å påverka målpolitikken gjennom generalforsamlinga.

Det kom ikkje noko oppslag i nokon stader på denne saka, men eg blei faktisk oppringt av ein journalist i DN.no. Eg skal kort referere samtalen under. Eg siterer denne dama på riksmål, for ho snakka faktisk riksmål, sjølv om ho høyrdest ut til knapt å vere 30.

Ring ring.
MF: Hallo, det er Mathias
DN: Ja, hei, dette er fra dn.no. Jeg har fått deres pressemelding om at dere vil starte «aksjeraid» mot Tide [hånleg flir]. Er dere klar over hvor mye det vil koste.
MF: Ja, sånn cirka 2,5 milliardar.
DN: Har dere så mye penger, da?
MF: Nei. Vi skal kjøpe nok aksjar til at vi får vedteke dette. Vi skal føreslå dette på generalforsamlinga. Då treng vi berre ein aksje.
DN: Jaha. Hvem skal dere kjøpe den av da?
MF: Selskapet er jo børsnotert då, og alle kan jo kjøpe aksjar...
DN: Nei, selskapet er ikke børsnotert! Jeg fant ikke aksjekursen!
MF: Då får du leite litt meir, då.
DN: [klikk, klikk]. Hmmm. Ja. Her var det.
MF: Ja, det ER faktisk børsnotert.
DN: Men hvorfor er dette sproget så viktig da?
MF: Du har tydelegvis aldri vore på vestlandet.
DN: NÅ STILLER JEG DEG SPØRSMÅL SOM BØRSSJÅRNALIST, SAKLIGE KONKRETE SPØRSMÅL OG SÅ ER DU FREKK MED MEG?
MF: Nei, men eg aksepterer at sånne ting kanskje ikkje er så lette å forstå i Oslo. Men nynorsk er ein sjølvsagt ting her på vestlandet. Det er Tide som gjer noko unormalt her. Før fusjonen brukte selskapet mykje nynorsk. No gjer dei ikkje det lenger.
DN: Mener De at selskapet skal sende børsmeldinger på nynorsk???
MF: Joaaaa... Det er vel ikkje så viktig. Men dei skal bruke nynorsk slik dei har lova, altså i informasjon, annonsar o.l. sånn som dei gjorde før.
DN: Men hvorfor bryr Dere dere om dette?
MF: No blir eg nesten frekk igjen....
DN: De må kunne svare for dem? Vil ikke dette medføre store utgifter for selskapet? Vil dette være i aksjonærenes interesse?
(Her blir eg så sint at eg snur om til nynorsk normaltalemål for å provosere henne. Ho merker det ikkje.)
MF: Jo. Om selskapet nyttar nynorsk vil dei få eit sterkare rotfeste og vil kommunisere betre med kundane sine og vil få ein sterkare marknadsposisjon. I ein situasjon med utanlandske aktørar vil jo dette gje Tide eit konkurransefortrinn.
DN: Hvorfor det?
MF: No blir eg nøydd til å sei dette igjen: Kjennskapen din til Vestlandet er tydelegvis dårleg. Har de ikkje ein vestlending, ein bergensar i redaksjonen?
DN: Nei, altså...
MF: Sorry altså. Forstår at det er kulturelt innsnevrande å vekse opp på Frogner.
DN: [klikk].

Det kom aldri noko sak i dn.no. Det forstår eg eigentleg godt.

Hurra!

2006-12-08T14:59:00.000+01:00

I dag har eg støtt på ei levning frå fortida i norsk statsforfatning: Ei der New Public Management-språket ikkje har fått fotfeste.

At eg korresponderer med ei slik verksemd som her kan nok verke noko sært, men eg blei interessert etter å ha granska noteapparatet i ei bok. Eg skreiv slik:

«Forespørsel om innsyn -- Etter offentlighetsloven søkes det med dette innsyn i E-rapport 7/53:«Oversikt over NKPs virksomhet siste halvår 1952».»

Dei fleste forstår vel kva slags verksemd eg snakkar om no. Men det er svaret frå denne verksemda som er sjølve provet på at det finst nokre offentlege verksemder der kommunikasjonskonsulentar og anna rask ikkje har fått sleppe til:

«Din henvendelse er mottatt E-tjenesten og sendt saksbehandler. Du vil høre fra oss. Kolbjørn Rørnes Underdirektør Etterretningstjenesten.»

Dette er sensasjonelt! At det faktisk finst ein slags arkeologisk godt bevart kultur ein stad i norsk statsforvaltning, i dette tilfellet i E-tenesta, er oppsiktsvekkande. (Det går også eit rykte om at E-tenesta framleis nyttar nemninga kontor om ulike einingar i organisasjonen, så som «3. Kontor» eller «Kontoret for direksjonens understøttelse». Om E-tenesta framleis nyttar denne nemninga, er det fantastisk! Kontor-nemninga blei nemleg utradert frå norsk statsforvaltning på slutten av 80-talet, då NPM kom inn i Noreg.)

Eg håper det er tryggleiksomsyn som har gjort at eksterne organisasjons- og kommunikasjonskonsulentar ikkje får tilgang til slike verksemder. Då har jo faktisk sånne lover om tryggleik noko for seg.

Sjølvmelding

2006-11-29T15:32:00.000+01:00

Hvor bor du:
Fjellsiden, Bergen.

Hvilken bok holder du på med nå?
Eg held på med mange bøker samstundes. Men berre sakprosa nett no.

Hvilke motiv har du på musmatta di??
Eg har berbar, men peikefeltet er gult av sigarettrøyk.

Hva er ditt favorittselskapsspill??
Amerikanar

Hva er din beste duft??
Det får andre svare på.

Hva er din verste duft??
Nett no, for no skal eg dusje.

Hva er din favorittlyd??
Lyden av ein kaffitraktar om morgonen.

Verste følelsen i verden??
Kjensla av å ha levert halvgodt arbeid.

Hva er det første du tenker på når du står opp??
Kaffi.

Favorittfarge.
Blå.

Hvor mange signaler går det før du svarer når telefonen ringer?
Eg har telefon på lydlaus. Veit ikkje heilt.

Hva skal ditt barn hete??
Barn? Odin, kanskje.

Hva betyr mest her i livet?
Veit ikkje.

Hva er din favorittmat?
Rista brød med meierismør og brunost.

Sjokolade eller vanilje?
Sjokolade.

Liker du å kjøre fort??
Har ikkje lappen.

Sover du med kosedyr?
Nei.

Hva var din første bil??
Har ikkje bil.

Om du fikk treffe hvem du ville - hvem ville du helst møte, død eller levende?
Det har eg ikkje tenkt på.

Favorittdrikk?
Kaffi.

Hvilket stjernetegn er du?
Kva er det?

Spiser du enden på broccoli?
Ja.

Om du kunne få nøyaktig hvilken jobb du ville - hva ville det være?
Byråkrat på eit offentleg kontor som ikkje lenger har oppgåver.

Om du kunne farge håret i hvilken farge du ville, hvilken ville det være?
Veit ikkje.

Er glasset halvtomt eller halvfullt?
Halvtom.

Favorittfilm(er)?
Akopalypse nå.

Skriver du uten å se på tastaturet?
Ja.

Hva finnes under din seng?
Sakspapir til kommunale organ.

Hva er ditt favorittall?
75.

Favorittsport å se på??
Curling.

Kaffe eller is??
Kaffi.

Frase/ord du bruker ofte??
Penibelt. Det tyder pinleg eller kinkig. «Det har oppstått ein litt penibel situasjon.»

Pubrunde

2006-10-22T14:03:00.000+02:00

Sjølv om det er mange fine stader å gå ut på, så blir det ofte sånn at ein går ut på dei faste plassane der ein alltid går. Eg og K ville difor gjennomføre ein pøbb til pøbb-runde og berre gå på plassar vi ikkje hadde vore før (med litt juksing).

(Eg vil gjere merksam på at dette gjekk føre seg etter klokka 21.00, og at det ikkje inngjekk i ei RU-tilskiping.)

Kvelden starta på Aspendos, ein pizzabule med ølservering. Dette er ein bra stad, men kvalifiserer vel ikkje til ein utestad. Men det er bra pizza og relativt rimeleg øl.

Klokka 21.30.
Tilstand: Heilt edru.
Karakter 5 av 6.
45,-/0,5.

Så rota vi litt rundt i strøket, og fann baren Onkel Lauritz som K ikkje hadde vore innom. Dette er ei heilt OK sjappe, men trekk for litt harry klientell (blanding av NHH-studentar og gamlingar på byn), samt at dei tilsette har t-skjorter med teksten «KOM TIL ONKEL» over brystvortene. Pluss for bra røykebalkong (nesten like bra som Rica). Men minus igjen for 0,4-glas, dog Hansa.

Klokka 22.15.
Tilstand: Nesten edru.
Karakter: 4- av 6.
48,-/0,4.

Så var tida komen for å gå på Inside igjen, etter at staden hadde vore stengt i lang tid. Inside er ein koseleg plass. Eg og K studerte barkartet utanfor, og tok sjansen på at drinkane der var gode. Vi gjekk for travaren Castro (som K ikkje hadde smakt på!). Eg blei litt uroa over at mannen i baren ikkje visste kva slags drink det var snakk om (eg måtte peike i barkartet for han), men då drinkane kom, var dei gode nok dei. Vi drakk rett nok ikkje øl, men beit oss merke i at dei serverte RINGNES. Dette er penibelt for ein utestad i Bergen, og er hovudårsaka til den relativt dårlege karakteren.

Klokka 23.00.
Tilstand: Tja.. Korkje fugl eller fisk.
Karakter: 4 av 6.
50,-/0,5.

No skulle vi verkeleg gå på ein stad ingen hadde vore på før, nemleg Wesselstuen. Denne staden er visstnok ein kjendisstad i Bergen, der folk som Helge Jordal og journalistar over 50 går. Vi traff ingen sånne der (den einaste kjendisen var Kurt Oddekalv, og han var relativt full), men om dei går der, så forstår vi det godt. Dette er nemleg ein verkeleg brun pøbb (med veggmåleri, slik tradisjonen seier). K hang seg opp i geometri- og proposjonalitetsfeil på bileta. Bra plass, dei serverer Hansa i 0,5-glas og dei tilsette er over femti og sikkert med tariffavtale. Men trekk for den ublu prisen.

Klokka 23.45.
Tilstand: Bra.
Karakter 5- av 6.
62,-/0,5.

Så til staden alle elskar å hate, Skipperstuen. Ølet var så dyrt (og vi rekna med eit kortvarig opphald), så vi tok 0,33 denne gongen. Og Skipperstuen stadfestar alle fordommar. Her er det Vikingarna for alle pengane, og 2/3 av klientellet er uføretrygda. Først sto vi litt for å kjenne korleis det var å vere på ein så brun, brun stad. Så fekk K ein ide om å sette seg ned, noko vi gjorde. Vi satt då ved sida av ein femtiåring frå Notodden, som la ut som livshistoria si som mishandla barnevernsbarn. Eg var komen så godt i gjenge og syns så synd på mannen at eg ga han telefonnummeret mitt. Det skulle eg sikkert ikkje ha gjort. Men Skipperstuen var ein bra plass.

Klokka 00.30.
Tilstand: Veldig bra.
Karakter: 4+ av 6.
57,-/0,5.

Så måtte vi ein tur innom Rica, der eg traff på ein del gamle vener. K ikkje så veldig glad for dette, men vi drakk no opp og jatta med. Kva meir kan ein sei? Rica er Rica. Punktum.

Klokka 01.00.
Tilstand: Halvfull.
Karakter: 6 av 6.
43,-/0,5.

Etter Rica var planen å gå på Garage, men først skulle vi sjekke ut den nye homsebula som alle snakkar om. Her kosta det pengar å kome inn, så det gadd vi ikkje. Så gjekk vi på Garage, men her var det også fullt. Så då blei dei Inside igjen.

Vi skulle treffe Danskekongen og venene hans på Inside. No var vi båe to komne opp i «nesten full» på fylleskalaen, og på Inside var det kø, ikkje lang kø, men kø utan rørsle. CF kom ut og vi prata litt med han, før vi gjekk på 7-11 og åt pizzastykke.

KONKLUSJON: Det fins mange bra plassar ein ikkje frekventerer så ofte. Men stort sett er det ein grunn til det. Men no kan både eg og K bygge hetsen vår mot desse stadene på kvalifisert grunnlag.

Korfor er det alltid sånn

2006-10-11T00:23:00.000+02:00

at ting blir utsett. No er det både min og skulen sin skuld. Først skal vi levere ein rapport frå eit feltkurs den 15. september. Så blir fristen utsett. Og utsett igjen. Eg har hatt ein månad ekstra altså.

Men det er eg som er utsetjar no. 1. Eg har skreve i heile kveld. Så skal eg, ti minutt over midnatt, skrive ut. Då kjem eg på om at eg ikkje har skrive ei einaste setning om det absolutt viktigaste eg skulle skrive om.

Faen!

Oppdatering: Det blei nesten toppkarakter på rapporten. Moralen er altså at hardt nattarbeid løner seg.

Tanketomt

2006-10-02T15:18:00.000+02:00

Eg er, etter å ha starta Flammen, blitt veldig oppteken av skriveformalia, som teiknsetting og skrivereglar. Nokon vil nok hevde at eg alltid har vore oppteken av formalia, men dei om det. Eg skal altså kome med ei lita innføring i teiknsetting.

I norsk handskrift er det vanleg å bruke dei engelske sitatteikna " og ". (I eldre norsk skrifttradisjon har det vore vanleg å sette det første teiknet nede, i tråd med m.a. tysk tradisjon.) Men i typografisk samanheng, i trykk og i aviser er dei korrekte teikna « og ».

«Men det er så vanskeleg å få desse teikna fram, det er betre å bruke ",» høyrer eg nokon sutre. Det er feil.

På PC med skikkeleg tastatur kan du halde nede ALT-tasten og trykke ein talkombinasjon på det numeriske tastaturet (det heilt til høgre på tastebrettet). For det vanlegaste teikna er dette:

« er ALT+0171, på Mac ALT+SKIFT+V
» er ALT+0187, på Mac ALT+SKIFT+B

Så kjem vi til tankestreken. For det skal vere forskjellig strek i desse to eksempla:

Fornyings- og administrasjonsdepartementet, og
Han sa til henne — etter å ha tenkt lenge på det — at han elska henne.

Den lange streken er tankestreken, den korte er bindestreken. Tankestreken får ein som oftast fram (både på PC og Mac) ved å taste ALT+SKIFT+-, men på PC kan du og skrive ALT+0150 på det numeriske tastaturet.

Sei NEI til amerikansk kulturimperialisme — JA til norsk teiknsetting!

Korfor blir det ikkje fred i verda

2006-09-13T13:42:00.000+02:00

Eg oppdaga nett svaret på det spørsmålet. Ut frå læresetninga «Show, don't tell» vil eg no vise dette, gjennom å sitere utdrag frå telegrammeldingar frå Reuters.

11.09.06 -- 11.31.37
PALESTINIAN PRESIDENT ABBAS SAYS AGREES WITH HAMAS TO FORM UNITY GOVERNMENT

Etter dette skulle ein tru at alle ville sjå at det beste var å vere i ro, slik at folk på båe sider kan gje konsesjonar. Men nei.

11.09.06 -- 22.20.24
An Israeli air strike on Tuesday destroyed the two-storey central Gaza home of a senior security official in the Hamas-run Interior Ministry, Palestinian witnesses said.

Og så kjem responsen.

12.09.06 -- 06.11.06
ISRAELI SOLDIER SHOT DEAD NEAR GAZA - AL JAZEERA TV

Men så, eit lyspunkt. Dette var høvisk og bra. Men det viste seg at det berre var nokre få.

12.09.06 -- 10.49.56
ISRAELI MILITARY COURT TO RELEASE SOME SENIOR DETAINED HAMAS OFFICIALS -- ARMY

Men så.

12.09.06 -- 16.55.42
Israeli troops shot and killed a Palestinian teenager in Bethlehem on Tuesday as they confronted protesters during a raid to arrest a wanted militant in the West Bank city, medics and witnesses said.

Nei, det er ikkje rart.

Lesarbrev

2006-08-22T00:11:00.000+02:00

Sidan eg ikkje veit om det kjem inn i BT, kan de lese mitt svar på opplæringsdirektør Svein-Erik Fjeld sitt lesarbrev "Elevane treng berbare PC-ar".

Elevane treng ein ikkje-religiøs opplæringsdirektør.

Når eg les lesarbrevet til opplæringsdirektør Svein-Erik Fjeld i Hordaland Fylkeskommune i Bergens Tidende 21. august, blir eg sint.

Det ser nemleg ut til at Hordaland Fylkeskommune har ein opplæringsdirektør med eit ikkje berre kunnskapslaust og dårleg, men beint fram religiøst forhold til digital teknologi.

Opplæringsdirektøren argumenterer ivrig i lesarbrevet for å innføre såkalla ”digitalt læringsarbeid” i dei vidaregåande skulane i fylket. (Eg synes det er ein dårleg ting å kritisere folk for språkbruken deira, men nokre gonger går det for langt: Ord som ”læringsarbeid” og ”livsmeistringskompetanse” er ikkje norske, og langt mindre nynorske ord, og dei høyrest mest ut som dei er tekne ut frå ein dårleg science fiction-roman. Finn på noko betre.)

Ut frå lesarbrevet forstår eg det slik at opplæringsdirektøren (a) meiner at ”digitalt læringsarbeid” generelt er betre enn ”anna læringsarbeid” og (b): at skulane etter den nye skulereforma er pålagde å gjennomføre ”digitalt læringsarbeid” i alle fag.

Dette er feil.

For det første kan det gjerne vere slik at digitale verkty i nokre fag kan vere høveleg og gje betre resultat enn meir tradisjonelle undervisningsformer. Men det er absolutt ikkje slik at digitale verkty er vanleg undervisning overlegen på alle område. Poenget mitt, opplæringsdirektør, er ikkje å gå inn i ein diskusjon om kva slags område som eignar seg best til digital undervisning eller til tradisjonell undervisning. Poenget mitt er at valet mellom ulike undervisningsformer og metodar er noko som er opp til læraren. Det er faktisk eit val som den enkelte læraren skal ta, og tek, kvar einaste dag framfor kvar einaste time. Når du frekt nok påstår at framtida er digital på alle område, høvlar du ikkje berre over eigenarten til alle undervisningsfaga med deira ulike metodar, med driv med ei skammeleg umyndiggjering av alle Noregs lærarar. Det er ikkje ein opplæringsdirektør som skal avgjere kva slags metodar som er høvelege for eit undervisningsemne, det er det læraren sjølv med sitt skjønn som skal avgjere.

Når det gjeld din påstand om at den digitale skulen er noko som følgjer av vedtak i Stortinget eller fastsetjing av ny læreplan, så er dette feil, men likefullt ei vanleg oppfatning som dagleg står på trykk i aviser og fylkeskommunale skriv.

La meg derfor sei: Dette er feil. Det står ikkje i dei nye læreplanane eller i noko anna offisielt dokument og det er aldri blitt vedteke på Stortinget at den norske skulen skal bli digital, digital som i at alt læringsarbeid skal skje på berbare pc-ar.

La meg sei det ein gong til: Dette er feil. Det står i dei nye læreplanane at elevane skal ta i bruk digital teknologi i alle fag (også gym (!)), og digital kompetanse er fastsett som ein grunnleggande ferdigheit. I kor stor grad undervisninga (merk: ikkje læringsarbeid) skal gå føre seg med digitale verkty, skal – i følgje læreplanen – vere opp til kva enkelt lærar, som etter sitt eige skjønn avgjer kor det er høveleg å bruke digital teknologi.

Det er altså fullt mogleg å drive ein skule etter den nye læreplanen med berre eitt datarom på deling på skulen, der lærarane nyttar slik teknologi der det passar, og den nye læreplanen seier altså ikkje at skulen skal vere digital heile tida. Sidan opplæringsdirektøren har lese dei nye læreplanane, må han kunne stadfeste dette.

Derfor er ikkje berre opplæringsdirektøren sitt religiøse forhold til ny teknologi som er problematisk, men også formaningane hans om den digitale skulen – å nekte lærarane fridomen til å velje undervisningsmåte etter eige skjønn. Dette prinsippet er klart definert i det nye læreplanverket. Gjennom å insistere på ein digital skule heile tida, gjer opplæringsdirektøren seg til representant for ein læreplanstridig praksis. Opplæringsdirektøren bør snarast oppsøkje røyndomen på ein av sine vidaregåande skular for å kvitte seg med den religiøse trua på IKT som skulens frelsar. Det er læraren – ikkje ei datamaskin eller ei lærebok – om er skulens frelsar.

Mathias Hunskår Furevik
gammaldags elev

Demonstrasjon

2006-08-19T19:14:00.000+02:00

Denne treng ingen kommentar

2006-08-09T11:45:00.000+02:00

Demo

2006-08-05T18:59:00.000+02:00

Jobb

2006-08-02T14:09:00.000+02:00

Denne har eg laga i dag.

Samt denne:

Ja, det er kjekt å ha arbeid med meining.

Det er bra med nynorsk

2006-07-25T12:58:00.000+02:00

Nett no dirv eg på med ei omsetjing av nokre sider frå bokmål til nynorsk.

Det plar for så vidt vere grei skuring, men eg har nett oppdaga at det ikkje er mogleg å skrive tull på nynorsk. Det eg held på med no, er reklame for eit samarbeidsprosjekt mellom NMF og Norsk Tipping. Norsk Tipping er som vanleg på jakt etter god PR, og i dette høvet har dei hyra inn eit PR-byrå. Samarbeidsprosjektet er ei konsertstønad frå Norsk Tipping der korps kan vere med i ei "tevling" for så å bli "trukne ut" til å få pengar. Teksten er heilt grusom, det første eg spurde sjefen om var om teksten var laga at eit PR-byrå.

Ja, svara sjefen, og byrået heiter Creo Communications. Dei har til og med laga ein ferdig tekst som konferansieren på DRØMMEkonsertane skal lese opp. Den går slik.

”Denne konserten har fått støtte gjennom prosjektet ”Drømmekonserten”. Drømmekonserten er et av resultatene av samarbeidet mellom Norges Musikkorps Forbunds og Norsk Tipping. Norsk Tipping er generalsponsor for Norges Musikkorps Forbund og støttespiller til norske musikkorps.

Visste dere at ¼ av statens kulturbudsjett kommer fra Norsk Tippings virksomhet?

Fordelingen av overskuddet fra tippeselskapets virksomhet har endret seg gjennom tidene, og fordeles i dag mellom kultur, idrett og frivillige organisasjoner. Hvert år resulterer det norske folks spilleglede i over 1 milliard kulturkroner. Det betyr at vi alle vinner litt. Og det har også vi gjort gjennom Drømmekonserten”

Ekkelt, ikkje sant? Sånn tekst skal eg omsetje. Slik blei ingressen til ein tekst på nynorsk, men først på original:

Sammen med vår generalsponsor Norsk Tipping, gjør NMF dine korpsdrømmer til realiteter.

Og nynorsk:

Saman med vår generalsponspr Norsk Tipping, gjer NMF dykkar korpsdraumar til røyndom.

Håplaust, ikkje sant?

Skarp observasjon av israelske soldatar

2006-07-24T10:29:00.000+02:00

- De er ikke vanlige soldater, vet du. De er geriljasoldater. De er veldig smarte.

- Istraelsk soldat om Hizbollah.

Eg har vore i banken / dagens ondskak

2006-07-20T18:03:00.000+02:00

og det kjem til å bli lenge til neste gong.

Etter å ha avslutta jobben tidlegare (bankane må vere dei einaste som ikkje har langope)
skulle eg til banken for å ordne kontiane og tinge nettbank.

Det gjekk bra (bortsett frå at banksystem må vere like kompliserte å operere som det
systemet eg p.t. bruker tida framfor.)

Eg har pengane mine i Sparebanken Vest og eg har hittil trudd at desse var hakket mindre
ille når det kom til å pushe unødvendige finansprodukt.

Kunde"rådgjevaren" hadde tydelegvis provisjon på det han klarte å få kunden til å kjøpe
(dei har sikkert sånn tavle der dei fører lister over den mestseljande "rådgjevaren" også),
for det einaste han verka interessert i var å få meg til å signere på eit MasterCard.

Eg vil ikkje ha eit slikt kort, men han ga seg ikkje. Første gongen sa eg tja, vidare ut i samtalen
snakka han heile tida om dette fantastiske kortet.

Eg sa igjen og igjen at eg ikkje har for vane å bruke pengar eg ikkje har, og at dette beviseleg var eit kredittkort med 17 % effektiv rente. Medan han putla med noko på dataen sin så sa han at han skulle ha ferie snart.
Eg sa jo som sant er, at det er kjipt i sitte på kontor når det er fint vêr.

Ja, det sa han seg samd i, men la til: "Då er det jo kjekt å ta seg ein øl, og MasterCard
funkar på alle serveringsstader".

Herregud, tenkte eg, men eg følgde med: "Betyr det at eg kan kjøpe øl utan dekning då",
spurde eg, og mannen svara med eit oppglødd uttrykk i andletet: "Ja! Er det ikkje fint?".
Han var truleg blitt tent av at eg viste interesse for "produktet" hans.

"Ja, det er ikkje så greit. Klarer ein ikkje å skrape saman pengar til øl, så får ein heller la
vere å drikke", svara eg han.

Så pensa han samtalen over på noko anna, og det var tid for signering av papir og sånt.
Han hadde (eg hadde tydelegvis ikkje avvist han kontant nok) også skreve ut kontrakt for
MasterCard og eg sa igjen at eg ikkje var interessert.

Då ga han seg, men kunne forsikre meg om at eg var i "porteføljen" hans, og at han sikkert
ville ringe meg. Når han på slutten skulle sjekke adressa og telefonnummer, sa eg heldigvis
ingen ting når han las opp feil mobilnummer.

Eg tok jakka, fekk mine eksemplar av kontoavtale og dei to polaroid-bileta som ikkje var brukandes, og reiste meg for å gå. Eg hadde tenkt på å vere litt meir kontant med han; han hadde rett og slett vore for framfusen. Sånne folk fortener ikkje stort meir. Så då eg reiste meg, sa eg:

"Du får ha ein god sommar, sjølv om det ikkje blei sal til å spe på feriepengane med i dag. Om du er pengelens kan eg heller låne deg nokre kroner."

Du skulle sett uttrykket hans. Det var - priceless.

Jobbetid

2006-07-19T16:12:00.000+02:00

Ein driv på med så mykje om sommaren. Nokon klyppar hekkar, nokon sel pølser og porno på Narvesen. Andre gjer ingen ting, noko som vanlegvis er eit synonym for uhemma fyll og fanteri. No gjer eg faktisk ingen av delane, eg har fått sommarjobb på kontor. Riktignok ikkje veldig bra betalt, og kanskje litt einsformig. Eg skal nemleg (saman med ein annan) flytte ALT innhaldet frå denne sida over på ei ny. Den nye sida er laga i Oracle Portal, eit system som ikkje er heilt enkelt for å sei det slik. Det tek omlag femten minutt å legge til eit menypunkt på sida. Ein slik operasjon involverer ein god slump ulike menyar og verkty og, ikkje minst, fleire titals ting som skal skrivast inn. Enkelte delar av systemet er også utruleg åttitals, det er nemleg ikkje lov å ha filer med meir enn åtte teikn i filsystemet (sånn som bilete og PDF-filar). æøå er heller ikkje lov. Og dette systemet kostar pengar. Mykje pengar. Om ikkje det var nok, så er arbeidet ditt også å rette skrivefeil og ortografi. Eg kunne hatt dette som jobb aleine, det er verkeleg katastrofale sider ein av og til kjem over.

No er det litt farleg å skrive så mykje om jobben sin, så eg skal slutte her. Til andre som vurderer ein jobb som involverer Oracle-skit; tenk dykk om.

Til høgre ser dykk noko eg laga til ei side i dag. Det var jo litt kjekt, sjølv om det berre var til test. Og så kom eg på ein annan kjekk ting, eg arbeider på ein stor kontorpult og har to skjermar til arbeidet. (Og så er kontoret reint, det er god lunsj og fri kaffi.) Alt i alt ikkje så ille altså.

Ja, dei har internett mange stader

2006-07-04T23:18:00.000+02:00

også på skular, der rektor tydelegvis har glømt å skru av internett for sommaren. Noko som fører til at eg kan snylte på Fredrikstad Kommune, medan eg er på sommarleiren til målungdommen.

Elles fekk jo omsetjinga av vedtektene til HSD konkrete resultat, med rask melding frå administrerande direktør og etterfølgjande oppslag i BT.

Slik svara direktøren:

Hei Mathias,

Det er kjekt å se at det er engasjement rundt denne saken. I en så stor organisasjon som vår er det mange hensyn å ta og vi kan derfor ikke garantere at vi kan etterkomme deres ønsker om vedtekter på nynorsk. Som du sikkert vet er imidlertid nynorsk fortsatt mye brukt i HSD, både i tale [dette blir spanande, blog. m.] og i korrespondanse og i andre formelle dokumenter, og slik vil det sikkert fortsatt være i lang tid.

En riktig god sommer til deg også :-)

Gunnar Buvik

Eg ser fram til å høyre bussjåføren ønskje velkomen ombord på normaltalemål neste gong. Spørsmålet blir kva slags normal det blir? Kanskje det blir ledig ei stilling som språkkonsulent i HSD, ehh, tide ?